Dough Bros Pizza & Doughnuts (樂富廣場A區)

营业中

休息中

Dough Bros Pizza & Doughnuts📍樂富聯合道198號樂富廣場A區UG2樓L232號舖好耐無嚟樂富，發現呢度啲舖頭變咗好多，原來仲開咗DOUGH BROS嘅分店🤤正呀！DOUGH BROS開咗好多分店，緊有一間喺左近咁呀😋DOUGH BROS所有食物都係即叫即整，夠晒新鮮熱辣。佢哋嘅爆醬冬甩令人念念不忘，除咗有多款口味，連上面嘅糖都有得揀要白砂糖定肉桂糖。Pizza有唔同size選擇，醬料都好多種，DOUGH BROS 精選嘅醬料有招牌蒜蓉香草醬、獨特嘅黑松露醬、煙熏燒烤醬同甜辣醬。佢仲有一人餐，啱晒想獨食難肥嘅朋友仔🤭今次Pizza我嗌咗The Carbonara，芝士煙肉咸香、薄餅薄脆，呢個份量兩個人食啱啱好。冬甩就貪心啲，揀咗3件裝🤭自選3款口味，揀咗士多啤梨、柚子、Oreo，真係全部都用料十足，超爆漿😋揀肉桂糖嘅話會多一陣好香嘅肉桂味。