爆丼屋 (已搬遷) 新店位置

重要的呈分試考完，阿媽鬆一口氣，謙謙亦開心，因唔洗再操卷， 為左慶祝我地可以唔洗再溫書， 我決定帶謙謙去 Megabox 影小王子加食人氣丼飯慶祝🥳🥳🥳🥳🍣 海膽親子丼 ～ 成碗都鋪滿三文魚腩，加了三文魚籽和海膽在上層做點綴， 謙謙食得超滿足， 因三文魚腩夠厚身和肥美，油脂分布平均，海膽鮮甜入口即溶，三文魚籽在口中必一下爆汁小朋友好喜歡。🍣 三重大極上丼 ～ 比佢的相吸引左我叫， 有拖羅，海膽和松葉蟹肉，呢碗性價比高， 絕對值得叫， 海膽入口creamy, 拖羅油脂豐富口感豐富，旁邊好多蟹肉，食的時間好驚會跌， 蟹肉鮮甜， 呢碗滿足哂我3個願望超開心。