手拉麵小廚

以前成日同屋企人食京川菜、小籠包，今日❤️心血來潮❤️就同朋友黎左新蒲崗的手拉麵小廚，office 放飯時間，我地等左大約5-10分鐘就可以入座。

雞絲粉皮

食京川滬菜又點小得經典 - 雞絲粉皮 呢，初初以為冷盤小食細細碟，點知同一個主食份量無分別😋，真係一個人食嘅話都夠飽。

豬頸肉擔擔湯拉麵

豬頸肉担坦湯拉麵 - 估唔到豬頸肉份量都唔少，都有大約10-12塊，每口都啖啖肉，而且佢燒得幾香，湯底味道不錯，不過略不夠濃郁，但整體水平不俗。

招牌小籠包

最後當然唔少得 招牌小籠包 啦！呢度嘅小籠包一啲都唔少，係大籠包唷🤣，而且入面已經唔係肉汁，份量多到係湯汁😋，肉汁依然鮮甜經典，不過可能係大籠包，皮則略較厚。

8