影片
更多
2025-05-23
260 浏览
熱門長期滿座石燒扒房我哋叫左鵝肝配安格斯封門柳（12oz）2人餐 $498，包酥皮湯×2，大杯裝飲品x2，花蜜雞翼，仲可以揀雜菜沙律/炒意粉/炸薯條（三選一）。鵝肝配安格斯封門柳 （12安士）店員好細心上枱嘅時候不斷教我哋點樣燒，燒緊嘅時候亦都會得閒走過嚟睇吓我哋燒成點，有時仲會幫手燒添；鵝肝非常大嚿，都非常肥美，喺燒嘅時候已經見到佢不斷出油，燒到兩邊焦脆，鵝肝喺厚切，食落非常之香，外脆內嫩，冇渣，亦都冇油溢味，安格斯封門柳店員已經預先幫我哋切好咗四大份方便我哋放喺石上面燒，牛肉係有揀過嘅，每一嚿都係完全冇筋，即使佢冇脂肪亦都唔會話好韌，冇用過鬆肉粉，保持到牛肉本身嘅質地，而且仲有好多肉汁。🌟評分：8.5/10花蜜雞翼花蜜雞翼有四隻，每隻炸到金黃色表面面仲滿晒好多花蜜，賣相非常之吸引，食落雞翼外皮好香脆，入面啲雞肉仲保持到嫩滑，配上淡淡嘅花蜜味，有少少似BBQ雞翼。🌟評分：8/10炸薯條花薯條亦都非常之有誠意，唔係用出面坊間現成急凍嘅粗薯條，係用咗扭紋薯條，而且薯條係即叫即炸，所以唔會食到有油溢味，同埋真係鬆脆。🌟評分：8.5/10炒意粉炒意粉上面有少少香草，意粉同埋蕃茄醬一齊炒，你結
熱門長期滿座石燒扒房
我哋叫左鵝肝配安格斯封門柳（12oz）2人餐 $498，包酥皮湯×2，大杯裝飲品x2，花蜜雞翼，仲可以揀雜菜沙律/炒意粉/炸薯條（三選一）。
鵝肝配安格斯封門柳 （12安士）
店員好細心上枱嘅時候不斷教我哋點樣燒，燒緊嘅時候亦都會得閒走過嚟睇吓我哋燒成點，有時仲會幫手燒添；鵝肝非常大嚿，都非常肥美，喺燒嘅時候已經見到佢不斷出油，燒到兩邊焦脆，鵝肝喺厚切，食落非常之香，外脆內嫩，冇渣，亦都冇油溢味，安格斯封門柳店員已經預先幫我哋切好咗四大份方便我哋放喺石上面燒，牛肉係有揀過嘅，每一嚿都係完全冇筋，即使佢冇脂肪亦都唔會話好韌，冇用過鬆肉粉，保持到牛肉本身嘅質地，而且仲有好多肉汁。
🌟評分：8.5/10
花蜜雞翼
花蜜雞翼有四隻，每隻炸到金黃色表面面仲滿晒好多花蜜，賣相非常之吸引，食落雞翼外皮好香脆，入面啲雞肉仲保持到嫩滑，配上淡淡嘅花蜜味，有少少似BBQ雞翼。
🌟評分：8/10
炸薯條
花薯條亦都非常之有誠意，唔係用出面坊間現成急凍嘅粗薯條，係用咗扭紋薯條，而且薯條係即叫即炸，所以唔會食到有油溢味，同埋真係鬆脆。
🌟評分：8.5/10
炒意粉
炒意粉上面有少少香草，意粉同埋蕃茄醬一齊炒，你結婚都唔會炒得太腍，同埋太碎，味道好似七仔隻叮叮肉醬意粉。
🌟評分：8/10
酥皮湯
酥皮焗咗非常之香牛油味，同埋非常之鬆脆，入面係非常香濃嘅蘑菇湯，入面仲有好多粒蘑菇，上枱10分鐘依然都仲係好熱，感覺好真材實料同埋足料。
🌟評分：8/10
青檸梳打 （大杯裝）
個杯超級大杯，仲大過一隻啤酒杯，份量超級大，一個人冇可能飲得晒，成杯嘢飲都好夠汽，酸酸甜甜好開胃。
🌟評分：6.5/10
花蜜水（大杯裝）
飲到淡淡嘅蜜糖味，而且亦都唔會太甜，感覺都幾滋潤。
🌟評分：7/10
🎖️整體評分🎖️
❤️味道：8.5/10
🧡環境：8/10
💛服務：8.5/10
💙性價比：8/10
📍 DAY22 STEAK（荃灣）
荃灣聯仁街28號康睦庭園2座地下3號舖
张贴
