川滿居 (京都廣場)

营业中

休息中

呢啲天氣，最啱就係食辣野，出一身汗，咁就夠晒暖笠笠啦！其實我哋兩個平時都鍾意食辣嘢挑戰自己，但有唔少川菜餐廳，都曾經令我哋失望過。今日嚟到位於銅鑼灣嘅川滿居，餐廳嘅辣度好有層次，食到我哋爆晒汗，飲水都唔能夠撲熄我哋嘅慾火呀！籐香雞冷盤就叫咗呢個籐香雞，雞嘅上面放上籐椒粒，呢個雞肉作為冷盤，所以我哋覺得一啲都唔辣，但就有少少麻香嘅感覺。雞肉非常嫩滑，雞皮滑溜，非常好味！水煮牛肉我哋叫咗中辣嘅水煮牛肉，上台嘅時候已經見到一層辣油，我哋已經心知不妙！牛肉嫩滑，索晒啲辣汁，份量都唔少㗎！配料仲有大豆芽、薯粉、雲耳、芹菜、金菇等等，識食嘅就梗係食薯粉啦，薯粉充滿辣油嘅香味，隨之就有一陣麻香攻入喉嚨，非常有層次。一路食一路爆汗。小炒肉呢個小炒肉都唔好睇小佢，小炒肉即係豬腩肉，食嘅時候要連埋啲青辣椒一齊食，一開始嘅時候都唔覺得青辣椒咁勁，點知原來後勁凌厲，越食越辣，夠晒惹味。