影片
更多
2021-03-31
177 浏览
今日放假同朋友去眾安街嘅堅信號食飯，本身我住荃灣，有時經過都覺得好吸引好想試吓。咁啱朋友都放假，就同佢過去試一試。午餐嘅價錢唔算貴，大約$60左右有一個套餐，有飯食之餘仲可以叫小食。我就同朋友叫咗一份麻辣鳳爪同埋雞絲粉皮。雞絲粉皮感覺不過不失，芝麻醬都幾香口，粉皮亦都幾嫩滑，而麻辣鳳爪就真係好吸引啦！食落其實感覺上好似泰式鳳爪嗰種但我個人覺得嗰種麻辣嘅香味比起一般嘅泰式鳳爪更加過癮，呢個我真係好推介！之後仲有秘製豬扒菜飯同埋外婆紅燒肉菜飯，秘製豬扒真係整得幾好食，醬汁甜甜地鹹鹹地，入口亦都好鬆化，唔錯，而紅燒肉炆得好冧，有種入口即化嘅感覺。醬汁亦都係有啲甜同埋少少鹹，亦都幾好食。最後當然唔少得介紹佢嘅招牌生煎包，真係好多汁，一咬落去啲汁真係會周圍噴，大家食嗰陣時真係要小心個包真係好多汁，而且個底亦都有脆皮嘅效果，呢個我都好推介大家試！總括而言，我個人都好推介大家去試呢一間餐廳！
咁啱朋友都放假，就同佢過去試一試。
午餐嘅價錢唔算貴，大約$60左右有一個套餐，有飯食之餘仲可以叫小食。
我就同朋友叫咗一份麻辣鳳爪同埋雞絲粉皮。雞絲粉皮感覺不過不失，芝麻醬都幾香口，粉皮亦都幾嫩滑，而麻辣鳳爪就真係好吸引啦！食落其實感覺上好似泰式鳳爪嗰種但我個人覺得嗰種麻辣嘅香味比起一般嘅泰式鳳爪更加過癮，呢個我真係好推介！
之後仲有秘製豬扒菜飯同埋外婆紅燒肉菜飯，秘製豬扒真係整得幾好食，醬汁甜甜地鹹鹹地，入口亦都好鬆化，唔錯，而紅燒肉炆得好冧，有種入口即化嘅感覺。醬汁亦都係有啲甜同埋少少鹹，亦都幾好食。
最後當然唔少得介紹佢嘅招牌生煎包，真係好多汁，一咬落去啲汁真係會周圍噴，大家食嗰陣時真係要小心個包真係好多汁，而且個底亦都有脆皮嘅效果，呢個我都好推介大家試！
總括而言，我個人都好推介大家去試呢一間餐廳！
张贴
