嘉寶漢堡 (已搬遷) 新店位置

超爆汁的嘉寶漢堡！係金巴利道行行下街見到店仔細細，但好多人，望落價錢又好合理，最平30幾蚊有一個burger，於是就去試下。叫咗個$35蚊的凱薩漢堡，由兩片菜夾著個厚身牛肉，再加上沙律醬。好juicy 的漢堡扒，塊肉超厚，而且好真材實料，見得到是啖啖牛肉，香濃牛肉味，真心好正！另外叫咗個芝士煙肉漢堡，好香芝士味，好邪惡的配搭！套餐包飲品同小食，有薯格、薯仔、沙律等。加$10 有2隻雞翼，抵食！裝飾就好時尚新潮，雖然店仔細細坐得迫少少，但漢堡就心是高質！