Burger's Friend Forever (嘉峯匯) (已結業)

呢間Burger店係將軍澳都有最近係啟德新開😛都好近地鐵站 經過見新開就試一試Menu內d🍔burger款式好多款款都咁吸引😍最特別係有生酮餐單岩晒生酮人士🔸至尊漢堡 $118至尊漢堡係必點之選，份量簡直係King Size！餡料有蛋、煙肉、番茄、芝士，再加上兩大塊厚切牛肉，真係超足料！仲要用左兩枝竹籤桔住內餡，避免個包走位。BFF牛肉仲要係手打架～所以咬落多汁又嫩滑，但又唔會好油膩。配埋溶化嘅芝士令到成個味道都昇華左。外賣都有膠手套提供埋，好貼心～🔸煙燻雞翼 $60雞翼帶有煙燻香味，有8隻，隻隻都啖啖肉，咬入爆晒汁，非常juicy！ 除左煙燻雞翼，仲有水牛城雞翼，不過驚辣得濟所以叫左呢款，都唔錯👍🔸加配套餐 +$25加配套餐可以揀薯條/薯格，配埋汽水都好抵。薯格因為炸完熱辣辣入盒/有蒸氣，所以外賣拎翻屋企會有少少淋，但只要放翻落氣炸鍋就脆翻啦！薯格唔會好油膩，份量仲要好多～點埋茄汁好滋味。