丼瀛 (已搬遷) 新店位置

近年來工廈開了不少食店，行街有時好難會發現到隱世好野食，唯有靠上食評網搜尋，見此店好評甚多實有驚喜。位置鄰近APM後面前往都方便，餐廳門口和室內裝潢好有傳統日式風格。今次同媽媽去食，晏晝兩點去到唔駛等位有好多位剩，可以慢慢食傾下計。餐廳設有室外室內地方選擇，炎炎夏天坐室內比較舒適。菜單選擇好多爆丼甚為吸引，最後揀左兩個餐生野和熟野都試下。丼瀛特選爆丼 $148賣相吸引非常多料，樣樣都好新鮮，大大碗睇見好幸福。三文魚色澤紋理好靚，口感軟滑。劍魚腩入口軟綿，魚油滿溢，厚切食落好有咬口。牡丹蝦味甘幾爽滑。帆立貝嫩滑鮮甜。三文魚籽調味咸度剛好，好新鮮有咬爆口感。最愛海膽入口即融，超甜美完全無苦腥味，好難得遇上咁好味的海膽。下次再來一定會點北海道海膽三重爆丼再回味一番。蒲燒鰻魚 $88鰻魚肥美肉厚無碎骨唔腥，鰻魚面有紫菜絲和濃汁就咁撈埋飯食已好好食。士多啤梨梳打(特飲) +$8甜中帶酸幾好飲，杯底有士多啤梨果肉，好喝之餘可解膩。下次再來俾多幾蚊都會叫呀~芝麻八爪魚 $18夠凍夠大隻，有8隻之多份量足幾抵食，咬落爽口芝麻味幾濃相當好味。芝士年糕 $24外面脆皮中間煙煙韌韌芝士滿滿的食完唔膩，味道不