1+1 吧 (已結業)

下午茶自助餐 @ 帝都酒店 1+1 cafe 平日 $98星期六、日及公眾假期 $128時段 230pm-5pm… .一去到就見到吧台上面放滿左燕窩甜品😂，作為吃貨既k當然要掃食一下啦，其實主要都係一般甜品上再加上燕窩🙈。當日有既款式係拿破崙、燕窩燉蛋白、 草莓芝士蛋糕、蜜瓜慕絲蛋糕、杏核撻等。而即製甜品更加吸引😍😍，有梳乎里班戟、窩夫、甜甜圈同埋班戟！梳乎里班戟質感輕盈，但未算話好有空氣感，可以加鮮忌廉、果醬或楓糖漿😋；甜甜圈較似蛋糕，仲幾有蛋香，岩岩整好熱辣辣既時候，再係上面加上haggen-daz雪糕（當日有朱古力、曲奇、雲呢拿同綠茶口味😝），冷熱交融既感覺超正！至於班戟則可自選水果（有士多啤梨、芒果同香蕉），員工製作時落既水果份量都不少喔，同樣唔錯😁。