奇趣燒鵝大王 (弼街)

营业中

休息中

同朋友行完街！見到有間新開燒味見佢d裝修都幾靚！就試下佢！門口掛d燒鵝都靚仔有光澤！！叉燒又半肥瘦！！都幾吸引！！見下午茶價錢都可以就叫左個叉鵝瀨！黎到份量都多！抵食！燒鵝皮脆！！肉質又唔死實！鵝味都夠!近骨位仲帶有少少黑椒香味！超好味！叉燒！半肥瘦！d肥係燒到半透明果隻！齒頰留香！油脂感滿分！瘦果面d肉又唔柴唔會攝牙罅！肉味濃！係我喜愛架叉燒質地！！瀨粉滑得後又煙韌！！good!好少會有冬菜比埋你！誠意十足！！凍0茶 茶味濃又唔會有澀味！仲有5片檸檬 實在難得！！埋單46蚊 有咁架質素同份量！2個字抵食！！希望可以一路保持到e個質素！目前會列入太子回頭食名單中！！