棋子燒鵝 (已結業)

自從工作地點改變咗之後好耐冇嚟過九龍灣，今日放假過嚟睇戲知道德福廣場開咗個新嘅food court所以就嚟食lunch😋呢度有好多間餐廳，朋友話好耐冇食燒味所以我哋就揀咗棋子燒鵝😉我哋叫咗雙拼飯同1人套餐一齊食！乳豬叉燒雙拼飯:叉燒焦香帶有淡淡蜜糖味，朋友鍾意食瘦叉但我本身鍾意食肥叉所以覺得肉太瘦，不過食落都唔會韌🤗乳豬肉偏少，但燒得皮鬆脆赤紅，醃料味道亦適中😋燒鵝燒腩仔雙拼(例牌):燒腩皮鬆化脆卜卜，肉質軟腍，味道剛好唔會太鹹😍燒鵝帶有少少煙燻味，皮肉飽滿鵝皮酥香，鵝味濃郁，皮脆肉滑又juicy❤️❤️白灼菜心:菜心翠綠鮮甜爽脆，唔需要加蠔油都已經好好食！