影片
更多
2007-05-24
9 浏览
終於有機會一試"清真惠記" 了!公眾假期既下晝, 三點去到, 熟食中心裡頭好多檔都休息, 場面冷清, 以為作為呢度名店既"清真惠記" 一定會帶頭休息, 點知又無渦, 哈~ 人數比預期中少, 不用等位, 三張大檯都只各自坐左三四個客...第一次黎, 又想試晒兩樣名菜既, 唯有揀"燒鵝飯加咖喱汁"... 不過事後真係有少少後悔... 因為本來以為咖喱汁係另上既, 點知原來係淋埋上面... 不過, 不幸中之大幸既係, 佢淋完咖喱汁先再擺燒鵝上去, 如果唔係, 就真係會破壞晒燒鵝既味道...燒鵝黎講, 真係一試難忘!! 先講賣相, D 燒鵝真係多到覆蓋晒成個碟面, 唔理味道好唔好都已經覺得好抵($22), 加上一食落去既第一啖, 個皮竟然係脆既!!! 我諗連名牌食府都好少做得到!!! 加上好好彩咁, 師傅切左隻脾比我, 啖啖肉, 連平日唔食皮既我, 今次都連埋皮+ 肥膏+ 肉一齊食... 好味!突然間諗起蔡瀾前排晌節目度講果句: "膽固醇萬歲!!!" 哈哈哈~至於咖喱反而有D 失望, 正如其他版友所講, 真係好多油, 碟飯既底係浸住D 飯既, 所以我淨係"畢"面頭果D 飯黎食... 味道方面,
公眾假期既下晝, 三點去到, 熟食中心裡頭好多檔都休息, 場面冷清, 以為作為呢度名店既"清真惠記" 一定會帶頭休息, 點知又無渦, 哈~
人數比預期中少, 不用等位, 三張大檯都只各自坐左三四個客...
第一次黎, 又想試晒兩樣名菜既, 唯有揀"燒鵝飯加咖喱汁"... 不過事後真係有少少後悔... 因為本來以為咖喱汁係另上既, 點知原來係淋埋上面... 不過, 不幸中之大幸既係, 佢淋完咖喱汁先再擺燒鵝上去, 如果唔係, 就真係會破壞晒燒鵝既味道...
燒鵝黎講, 真係一試難忘!! 先講賣相, D 燒鵝真係多到覆蓋晒成個碟面, 唔理味道好唔好都已經覺得好抵($22), 加上一食落去既第一啖, 個皮竟然係脆既!!! 我諗連名牌食府都好少做得到!!! 加上好好彩咁, 師傅切左隻脾比我, 啖啖肉, 連平日唔食皮既我, 今次都連埋皮+ 肥膏+ 肉一齊食... 好味!
突然間諗起蔡瀾前排晌節目度講果句: "膽固醇萬歲!!!" 哈哈哈~
至於咖喱反而有D 失望, 正如其他版友所講, 真係好多油, 碟飯既底係浸住D 飯既, 所以我淨係"畢"面頭果D 飯黎食... 味道方面, 其實唔錯, 不過可能D 咖喱汁係晌兜咖喱羊肉度"畢"出黎, 所以有好大陣羶味, 或多或少影晌左整體既味道, 同埋真係好多碎骨......
只怪自己貪心... 如果專注D 只係食燒鵝既話, 呢度絕對係一個上佳既選擇! 起碼可以做到"平靚正" 既效果~
张贴