大快活 (已結業)

今日忽然好想食呢度既燒雞翼，就去呢度試下啦。雖然係下午茶，但都唔算太多人，可能間舖係新開既綠故啊…呢度既水吧都好快手，又會多謝前多謝後，真係唔錯。燒雞翼微焦既雞翼配上蜜糖，簡直係一絕啊。雞皮又夠脆，但又唔會太肥膩，呢隻燒雞翼仲比大記既做得更好。而且雞翼好夠熱，可能係燒好啦。西多士佢地錯手俾左煉奶我，之後都俾反糖漿我。我始終都覺得糖漿會比煉奶既好食，我覺得呢到既西多士都可以既。不過，唔知點解糖槳都係無大記既咁好食。紅豆冰我叫左佢比多奶，真係比左好多，因為我見到佢加左好小凍水。今次紅豆份量好多，整體上都幾好飲。呢間快活真係唔錯，又夠大、坐得又舒服，實有下次既。