Wingman (已結業)

自細就好鍾意食雞翼，但你有無諗過如果任食你可以食幾多隻？聽到朋友話一百隻無問題... 好，即刻同佢去 Wingman 食個 90 分鐘雞翼放題挑戰下自己最高紀錄，仲有無限汽水供應，間唔中放肆下係幾正😂 星期一至四仲有優惠，7 點後入場都係 $238 任食，而且愈早愈平，幾實幾抵玩！.呢度嘅雞翼間唔中會有特別味道登場，今晚嚟到食放題都有十款口味可以 order，一定要叫齊咁多隻味先知邊隻味要 encore！每個味道一 order 就係四隻 (要注意).泰式 // 紐奧 // 水牛 // 黑芝麻海鮮蜂蜜 // 黑椒檸檬 // 死神醬 // 咖啡香味 // 巴馬臣芝士蒜蓉 // 蒙古燒烤 // 田園風味.雞翼口味有分乾身和濕身兩種，個人嚟講最鍾意係泰式，泰式甜辣醬之下令到雞翼相當惹味；另一款個人喜好係黑芝麻海鮮蜂蜜，仲有啲蔥係面，食落去竟然係北京填鴨醬嘅味道，但係濃郁味道得嚟又幾正！ 經典嘅水牛城雞翼偏咸，至於死神醬就真係諗下先好嗌，因為真係幾辣，令到你好想飲多幾啖汽水，令到戰鬥力一下降😅.最後，認真回顧賽果，每人食到 30 隻左右已經係極限🍻 其實性價比係高，睇下你有幾鍾意食雞翼