天天海南雞飯 (ELEMENTS圓方)

营业中

休息中

今次嘅「搵食目標」係海南雞，做咗啲 research 後鎖定天天，睇官方 facebook 有好多明星藝員幫襯。本來想 book 枱，但餐廳表示 4 位或以下冇得 book，所以提早去攞籌排隊。去到門口大概有十幾人。環境唔錯，擺位唔太逼。Menu 幾特別，整到好似雜誌咁。海南雞半隻 –作為今次嘅搵食目標，呢碟海南雞實在失色，喺新加坡食過嘅好食好多。雞肉齋食唔點汁冇乜味 (可能呢度主打係啲醬汁，只係我哋一直認知嘅海南雞就算唔點汁都好好食)，反而墊底嘅青瓜令人喜出望外。天天石窩雞飯 (大) – 2-3 人份量，飯粒軟熟但食唔出油香味。鹽磚和牛 – 冇乜特別，就係牛肉。建議一上枱趁熱食，凍咗更普通。天天燒雞半隻 –呢個真心比海南雞好食好多倍，堅係皮脆肉嫩，好有雞味。可能一開始抱有一定期望，所以有啲失望，不過整體都 ok 嘅。應該會為燒雞再嚟食，但海南雞就……多謝！