榮式燒雞扒 (已結業)

今日去開北角, 見到榮式燒雞扒有分店,因為之前係屯門分店食過, 超正, 對佢念念不忘, 唔使點諗就入左去...古怪的標語... 左睇右睇, 最後揀左雞扒加車厘茄肉醬飯, $41已跟埋飲品..如果榮式燒雞扒叫自己做燒雞扒專家, 我諗都無咩人會反對.. 佢D雞扒真係燒得幾好食, D雞油燒走哂, 所以食落唔會肥膩... 雞皮都燒得香脆! (呢個係我第一次幫襯既感覺) 不過今次好似有D失準, 我落完ORDER隔幾分鐘就黎到, 塊雞扒似係之前整好再返熱, 感覺比屯門分店的差 凍檸茶, 味道太淡, 檸檬得三片太少, 同埋太薄了, 比一般茶餐廳差