新泰東南亞餐廳 (太子集團中心) (已結業)

香港好味嘅泰國菜真係少之又少，呢一間環境非常好，餐廳亦都好容易搵到，近地鐵站，環境都乾淨，侍應貼心有禮貌。嗰晚同朋友三個人嗌左個拼盤，入面有啲肉碎粒、炸春卷、炸蝦圈等等。肉碎粒食落去落去同我哋平時中式食嘅有啲唔同，味道比較鹹，亦都有啲生菜可以包住咁樣食。春卷同炸蝦圈，食落口好有口感，亦都有啲甜酸醬同菠蘿醬。佢哋嘅燒雞都整到好好食，啲肉好厚身好滑身，而且啲皮亦都燒得啱啱好，有啲脆口。而佢嘅調味料亦都係有少少泰國口味，平時喺其他餐廳好難食到。