1+1 吧 (已結業)

同事約我去1+1食蒙古燒烤自動晚餐, 上去openrice d comments 都係麻麻, 不過見佢極力推介, 星期四放工又想happy下就去試下喇…去到見到環境唔錯, 有室外同室內, 由於我地遲book位, 室內full哂…我地就坐室外喇…反正呢個天氣又涼涼地, 坐出面又舒服又方便攞野食!廚師會有d整好左既食物俾我地攞, 每張檯都有自己既號碼牌, 只要擇好左想食既食物俾佢地燒, 燒好就會送過嚟,好細心! 款式都有幾多, 燒野食必備既雞翼,青口,羊肉, 烤肉, 扒等等……仲有沙律bar同甜品……. 好新鮮仲有雪糕潻!不過坐出面d風比較大,食物易凍d, 不過唔洗燒又係沙田市中心可以bbq, 正!呢度d員工同d客人好似好熟咁…可能有好多熟客仔, 感覺好親切而且收碟快又有禮貌! 係酒店先提供到既優質服務, 出面既燒烤場一定冇喇!我用openrice coupon有8折, 每人都係14x, 我地好滿意…..下個月有同事生日可以放工攪過bbq party喇…