韓川

营业中

休息中

今日同個好耐冇見既朋友食飯，佢話想飲下酒，然後我地搵到呢個韓式料理既餐廳，又有手工啤酒又有韓國燒酒，岩晒我地。入到去啲服務員都好細介紹啲食物比我地，於是我地就試下韓國金蠔，第一次食呢種蠔，好適合鍾意清淡啲口味既人，比較無咁海水味，但都好鮮甜，可以食多幾隻都唔怕既感覺。另外仲叫左一堆串燒，燒茄子係必點，其他串燒都燒到剛剛好，配酒簡直一流。牛油粉絲焗蜆都好唔錯，啲蜆除左冇沙，都幾大隻幾甜，同粉絲一齊係絕配。下次想再飲下燒酒可以推薦朋友過黎。