白石燒烤

营业中

休息中

終於到周末，一班朋友來燒嘢食，估唔到熱到痴線，但都無阻我哋未食嘢嘅決心。因為一早已經上網book好晒。上網book好咗一個10人海鮮燒烤餐，去到時已經一袋pack好! 工具同食物都分門別類。扇貝，蝦，叉燒，豬扒 ，雞扒，雞翼，腸，丸，粟米，蕃薯，同最重要嘅乳豬！一袋袋裝好乾淨又衛生！不過呢度嘅蒜蓉醬同埋方包都要自己買仲好貴，蒜蓉醬要＄25，方包8塊要$20..好貴，想食但無辦法都要買！但加左落啲食物都有真係好好多，下次都係自己預備定！呢個係我燒烤最鍾意嘅一味，腸仔包！蒜蓉醬加落啲蝦到，超好食又大隻！黑椒雞全翼超大隻，但醃得超鹹。。。太濃味！粟米雖然冇點醃過，食原味都好甜！丸類選擇不多，只有一般嘅墨丸牛丸魚蛋貢丸。對住咁靚嘅無敵海景燒嘢食真係一流，仲可以睇埋日落，超靚超正！燒乳豬要耐心等候，說明書話燒兩個鐘就得，但最後我哋燒左三個鐘都未食得。不過燒完好有滿足感。總算皮脆肉嫩。