泰好味海南雞餐廳 (已結業)

11月2日, 尋晚燒完野食啖啖肉, 於是今日想食返d泰國野酸辣野消下滯開下胃~ 同呀比訓到日上三竿之後就落街開餐喇.::: 燒豬頸肉撈金邊粉 ::: $28燒豬頸肉一字排開氣勢非凡!! 外皮燒得香脆惹味, 咬落軟淋充滿肉香~ 極度推介! 金邊粉很煙韌! 撈埋d酸甜微辣既汁真係好開胃! 開頭見佢上台好似好細份, 但係食左大半已經飽咗~ 好好味呀! 不過呢d泰式奶茶就淡咗d, 似奶水…::: 青咖哩雞飯 ::: $32睇賣相, 未喺西環見過咁正宗既青咖哩, 香味十足~ 雞肉雖然用雪藏雞, 不過好入味同好滑~ 咖哩用黎撈飯亦令人食欲大增, 泰國人主理果然不同凡響~ 碟頭雖細, $32算係咁, 依然滿足~ 送既薑蜜甜甜地, 薑味好重, 驅寒一流~呢度星期日有好多人黎食晏. 台與台之間會有d迫. 論環境就過幾個舖位既泰尚比下去… 不過勝在有電視睇~ 人客多但伙記少, 落單要等上菜亦慢~ 如果服務可以改善下就更好!