茶屋町 (長沙灣道) (已結業)

一個人收工食晚飯，用apps搜尋左這間日式鋪，見食物相好似唔錯，我又去食下先。麵豉湯，個碗幾靚。燒豚肉丼($86)，豚肉約有9片，燒至迫晒油份出黎，每片都好光澤油份，淡淡油香，半肥膏半肉，食落都好腍。跟餐小食，蕃薯仔可以成粒食唔使剝皮，好甜，另外仲有玉子，食落有蛋香味。大合照，豚肉飯其實食完都幾飽，而且賣外都ok。密瓜梳打($12)，幾重密瓜味。賣單先注意到可以無限忝加米飯，但我自問唔算大食，所以冇加。