韓珍 (寶勒巷)

营业中

休息中

同朋友好想食韓國菜，就嚟到尖沙咀韓珍，貪佢又有得食燒肉又可以食小食🤤首先叫咗呢一個熟成牛肉拼盤 ($550) 裏面有三款牛肉，因為熟成牛嘅關係，牛嘅味道比較濃郁，但係食落比較韌，多d筋。聽店員講返如果揀另外一隻熟成西冷或者熟成肉眼會好味啲。下次會揀返牛扒🙊除咗燒肉我哋都揀咗啲小食。首先有泡菜煎餅 ($130) 泡菜味好濃，但食落又唔會好辣，味道啱啱好。煎餅都煎得好香，帶點微脆，食落仲有少少泡菜粒，味道幾好，都好飽肚。炒年糕 ($98) 呢個炒年糕好豐富，除咗有我最鍾意食嘅炒年糕同埋魚糕之外，仲有一隻雞蛋同埋兩隻餃子🤪 年糕炒得好入味好煙韌，呢個就偏辣少少，夠哂惹味🤘🏻