燒肉一番 (已結業)

呢間🇯🇵燒肉－番🥩新開冇幾耐就火速爆紅，午飯行過都見人頭湧湧，今日遲咗放飯，等左十五分鐘就有枱真係好好彩👍🏻沿途入座都幾日本feel 架，簡約木系🎏，日式壁畫🎎，卡座排座都好舒適，點解咁旺就真係要食過先知喇😆QR Code 落單快捷利落、餐單主打係牛肉套餐、牛五花、牛板腱、牛頸肉、牛小排、二食三食選擇都好多，分量可以選100 g或200 g，只要揀咗牛肉，飯底同雪糕，好快就有得食😍估唔到200 g嘅份量都唔少，紫菜飯，麵豉湯、仲有中華沙律同日本風味雪糕，成set講緊都係$118.-真係好抵呀😍😍😍燒肉汁、開胃醋、辣味噌、芝麻醬、胡椒同海鹽手到拿來，全部都係No.1嘅調味料👍👍👍牛小排鮮嫰粉紅，油脂分佈平均，中火輕燒表面，鎖住肉汁，味道上佳，絕對對得住呢個價錢🔆🔆🔆🔆🔆牛板腱較有𡁻頭，肉味香濃，點下燒肉汁，食啖米飯，成件事真係好幸福💕口痕試埋芝士年糕同埋吉列𧐢，即點即炸，穩穩陣陣，仲有蟹籽沙律，清一清個腸胃啱晒數😍最後食埋杯雪糕🍦整體感覺都好滿意，埋單唔駛加1服務費，飲埋汔水人均消費$160.- ，真係排隊等－下都值得😍😍😍