炑八韓烤 (青衣城1)

又掛住d燒肉，又掛住d芝士，一於同朋友約起來，去炑八~

- 厚！厚切五花腩套餐
有齊牛，豬，海鮮，蔬菜，內容非常豐富。

牛舌同墨魚燒好加海鹽食最鮮味~

濟洲梅花肉同彥陽牛肉用生菜包住食最惹味~

厚切五花肉同炑八牛扒店員會換一塊鐵板幫我地燒黎食，呢個時候可以一邊燒住棉花糖食住等~

厚切五花肉外層焦香，入口鬆化，充滿油香。炑八牛扒口感軟嫩，牛味濃~

- 夾心棉花糖配朱古力威化餅
估唔到食韓或燒肉都可以玩下燒棉花糖，仲有朱古力消化餅夾住食，作為燒烤甜品真係唔錯！

- 馬格利生米酒
易入口既米酒，岩哂女仔飲，甜甜地比較清爽，配燒肉食非常不錯呀！