校長燒肉日韓料理 (西裕街)

营业中

休息中

冇得去旅行，香港一日遊都係一個選擇，上網睇到人哋去元朗公園影相好靚，今日專登放假入去，中午當然要搵一間餐廳食個午飯，揀了西裕街校長燒肉日韓料理，百幾蚊任食，附近又有地方泊車夠方便。環境都幾大，卡位坐得舒服，冷氣夠晒凍，通風系統也不錯👍食物選擇都好多，肉類豬牛魚雞任君選擇，金沙骨、叉燒、雞翼，就連雞軟骨都有，雞扒啖啖肉又夠入味，三文魚腩啲魚油燒曬出嚟睇個樣已經夠吸引😋調味也有不少款式，咖喱、蒜蓉、黑椒、蜜汁等，其他還有牛丸魚蛋，我最喜歡就是芝士腸、芝心丸、芝士魚蛋，丸入面的芝士溶了非常好味。除咗可以燒肉之外，亦都可以選擇食火鍋，湯底都有幾款，素食的話可以食菜，鮮冬菇、唐生菜、金菇、生根、娃娃菜、粟米等等。由於今日是來玩的，當然食豪一點，個餐升級取了刺身通行證，大大隻赤蝦、玉子、三文魚、吞拿魚、希靈魚等，非常豐富。飲品汽水、烏龍茶、啤酒任飲，仲有梅酒、清酒，我最鍾意係多款茶類的熱飲，首先來了一壺金邊玫瑰花茶，另外一壺消脂的洛神花茶。其實咁多嘢食個肚都食唔到咁多，但總係要加一點點甜品，杏仁奶凍杏仁味香，好耐都冇食過大菜糕當然要攞一杯嚟食下，仲有榴槤布丁、同椰汁西米露！