點完野之後，首先上枱既係刺身。刺身選擇唔多，點左三文魚、象拔蚌、玉子、鮑片、吞拿魚、北寄貝。我係香港好少食吞拿魚刺身，因為好多都整得好差、有血水又腥，不過呢度個Ｄ唔錯，算係新鮮，係淡口左Ｄ。北寄貝係我最愛，非常鮮甜！
點左兩個沙律做開胃前菜，凱撒沙律同埋燒魂刺身沙律。凱撒沙律就麻麻地，燒魂刺身沙律就唔錯，上面有唔同既魚刺身切粒，伴埋沙律醬，超開胃。
因為我食野一定要食蔬菜先，所以除左點左沙律，仲點左呢個什菌炒雜菜，有少少油，但都幾惹味。
之後就黎到重點既燒肉環節！！呢度選擇都幾多，有海鮮、雞豬牛各式的鮮肉。
其實仲有羊，不過我就唔食，所以就無試過。ｄ海鮮幾新鮮，雞就無乜特別，黑豚肋骨非常好吃，必點！
