校長燒肉日韓料理 (沙咀道) (已結業)

有一排無約朋友出嚟食野，所以就搵左日放工時間一齊聚下，順便吹下水講下八卦。朋友話佢想食燒肉，不過我又想打邊爐。係呢個兩難之下，我同事仔推介左呢間餐廳俾我，唔止可以食燒肉，打邊爐，仲有刺身食。真係一舉3得😂首先要講下呢間餐廳嘅環境先嘅，佢個布局有d似酒店食buffet 咁，而且坐位好寬敞，好舒適。打邊爐嘅醬料選擇好多，而且都好自助，自己係外面揀好想要嘅湯底，就可以拎埋位慢慢打邊爐喇。燒肉有各類唔同嘅肉類，而且仲有蒜蓉金菇，真係估佢唔到，我嘅最愛另外打邊爐嘅配料都好齊，基本上想食嘅野都有。完全可以滿足到唔同人嘅需要呀！最特意嘅係佢居然有點心食，不過我創次無試，因為要留肚食其他野，下次再嚟食一定要試下！