喜來稀肉 (金巴利道)

营业中

休息中

呢排喺屋企睇緊韓劇，幾乎每隔幾集就有韓燒嘅一幕，阿女話呢一間係較為傳統嘅韓燒舖頭，早幾日帶咗我嚟試一試🤭冇咗啊仔同老公，我哋淨係叫咗兩碟牛肉，包括喜來烤肉同牛護心肉。兩者各有特色！喜來烤肉肉質偏瘦，而且配合左醬汁，食落去味道較濃，相反牛護心肉較為油口，冇任何醬汁嘅配搭下，牛味就更出啦😝😝爐嘅側邊仲有無限添加嘅蛋醬，覺得太過油膩嘅時候，就可以食返啖雞蛋中和一下！另外亦都叫咗一個傳統石鍋拌飯，色彩繽紛，各種配料嘅味道非常之夾，同時間可以幫助索一索牛嘅油脂😊整體而言，呢餐食得豐富，而且味道夠晒地道，同阿女一齊捧住個肚離開餐廳🍴