新齋橋 (已結業)

呢間餐廳位於觀塘樓上鋪,好大間環境光鮮,每個位置都放左一個爐同餐具響自己位置前面,座位好闊落,都好岩一人自私食既地方,呢間餐廳要自己先用QR CODE落單同俾左錢先,之後店員就會跟據客人落既單去送餐到客人既位置上面,餐廳送餐速度好快客人唔駛等好耐就有得食,我地叫左一份西冷扒燒肉定食餐,店員已經幫我地切好一片片方便燒,而西冷都好厚切,肉質比較厚同有濃郁既肉味,咬落好香口,油脂唔算好多同好肥,但肉味就好香,仲可以跟據自己口味加入胡椒粉同唔同既醬汁去提升肉味既層次,另一份我地叫左極上牛小排,牛小排油脂比較多同薄片燒既時候比較易熟,口感就薄切但都好香油脂分布都算平均。