金金日式燒肉店

营业中

休息中

位於銅鑼灣最熱鬧嘅地方，經過嘅時候見到一個牌賣緊金金燒肉嘅廣告，除咗會有午餐之外亦都會有散叫嘅靚牛牛，所以我哋一行四人就去試一試。想到去嘅座位都比較闊落，大部份都係以卡位嘅形式，啱晒一大班人食。首先就叫咗一個日式芥末八爪魚配青瓜，佢好精緻咁樣用半月形嘅青瓜條盛着芥末八爪魚，可以一啖一口咁樣放入口食。仲有我好鍾意食嘅雞泡魚乾，唔係到到都有得食，通常就淨係會有鱈魚乾，之前我都係好鍾意食鱈魚乾，但發現原來雞泡魚嘅味道更加鮮甜，而且咬落去有咬口，非常之好食。到咗主食嘅牛啦，我哋就叫咗最靚嘅澳洲和牛扒，未食見到佢個樣就知道佢嘅脂肪比例非常之高，咬落去入口即溶。除咗牛之外仲會有豬，呢一隻五花嘅豬層次非常之分明，另外仲會配上黑松露嘅沙律醬令味道更加豐富。