新麻蒲 BBQ (東港城) (已結業)

將軍澳真係愈來愈多餐廳，假日黎到依邊真係人山人海。午餐同朋友食咩好呢？大家經過新麻蒲，都想試試韓式午餐。店員會問坐唔坐燒烤枱，難得黎到韓式烤肉店，一定會黎食個韓式烤肉宴啦！我地先叫左一個豬肉套餐和特級燒肉午市套餐！朋友負責燒，我就負責食！豬肉燒得好香口，外層微微脆口，內裡有肉汁，好清甜！護心肉最好食！入口香嫩唔會乾，而且充滿肉香，油脂平均唔會太膩口！火山芝士泡菜炒飯，味道好惹味！泡菜唔會太辣，香濃芝士拉絲度高，加上炒飯攪拌味道香口，我地仲要爭食！之後叫左一個鮑魚參雞湯，我唔鐘意人參味，無試到，我見到大大隻雞好足料！追加韓式煎餅拼盤，餅皮唔會太厚，食完唔會太頂胃！仲有多款韓式小碟，好似去左韓國一樣！仲有餐飲供應，價錢好抵食呀！