燒肉臻 (已結業)

香港人都係識食嘅一族，餐廳質素好，價錢公道，自然似這間餐廳日日都爆場，呢度仲有個自助清酒機，$258可以 90分鐘任飲或者其他清酒都有特價，所以餐廳氣氛非常熱鬧。前菜青蘋果沙律，簡單蘋果爽脆，少少酸甜，食下肉再食下呢個沙律都幾醒胃。酥炸河蝦同埋炸豆池魚，鱈魚乾，平時嘅魚乾都係切條，呢度成塊上枱，口感特別鬆脆梗，送酒一流！日產A4和牛肉眼，呢度部份食物，師傅會幫你燒熟，咁就唔會怕自己浪費食物，和牛唔使問入口又滑又軟，入口即溶。日本和牛牛頸脊，比肉眼嘅油分更多，入口多一點口感，肉味多一點。和牛三角胸小排，油香爆燈，食少少都好足夠。厚切牛舌，牛舌芯嘅位置，入口嫩滑，有啲似食緊午餐肉，肉味當然出色好多。蔥蒜牛舌薄切，大火輕輕燒熟，所以入口蔥蒜非常辛口但惹味，個人喜歡厚切多一點。伊比利亞豬肋條，火燒之後逼出嘅油分，所以好爽口，肉味鮮甜！豬肉卷包蒜芯，要做一個火旁邊慢慢燒熟，入口蒜心爽脆，加上豚肉嘅油香，味道不錯。餐廳海鮮都非常出色，白鱔更加不可能錯過，入口冇泥味，魚肉處理得非常好，入口彈牙又厚身，魚皮焦香。活蟶子，師傅簡單燒熟已經好友鮮味，加上少少蔥花，味道已經很不錯！