影片
更多
2018-09-30
276 浏览
今晚同朋友去早前預約的燒肉放題食餐勁，特別揀選呢間餐廳，只因為呢度不但有燒肉放題，還有日本酒任飲，一般的放題最多任飲啤酒，呢度點只啤酒，仲有梅酒、柚子酒、燒酒、紅白酒......真係超值，終於可以無限飲酒食日式燒肉。餐廳位置係佐敦，距離港鐵站頗近，幾方便又易搵。到達後需要等5-10分鐘，因為放題一晚兩場晚市，再加上有宵夜，真係一場接一場爆滿。餐廳佈置充滿日式風格，牆上仲有仿日本街頭畫作。另一邊有大量酒瓶，令人諗起無限暢飲的歡樂，好快就入座。晚市有分兩個時段，都是有2.5小時的限時放題，八點前成人$408-448，八點後就成人$458-508，更有宵夜時段的$248，我地食八點都好多人，不過更顯熱鬧氣氛，雖說多客人，但上菜快，服務亦好好。先來刺身拼盤，有七款刺身，除海膽無任食，其他六款可以再點無限食，刺身好靚好新鮮。油甘魚相當肥美油潤，三文魚同樣吸引。赤身魚味重，帶子鮮甜嫩滑，甜蝦最正，甘甜柔嫩細緻的肉質，入口味道好好。海膽雖無任食，但就大大塊，味道濃郁甘甜，齒頰留香。同時都上海鮮同肉類，燒緊肉同海鮮時，就可以食刺身，真係好貼心好正，唔會浪費時間。海鮮有五款，但就只有大蝦可再添食，其他都
今晚同朋友去早前預約的燒肉放題食餐勁，特別揀選呢間餐廳，只因為呢度不但有燒肉放題，還有日本酒任飲，一般的放題最多任飲啤酒，呢度點只啤酒，仲有梅酒、柚子酒、燒酒、紅白酒......真係超值，終於可以無限飲酒食日式燒肉。
餐廳位置係佐敦，距離港鐵站頗近，幾方便又易搵。到達後需要等5-10分鐘，因為放題一晚兩場晚市，再加上有宵夜，真係一場接一場爆滿。餐廳佈置充滿日式風格，牆上仲有仿日本街頭畫作。
另一邊有大量酒瓶，令人諗起無限暢飲的歡樂，好快就入座。
晚市有分兩個時段，都是有2.5小時的限時放題，八點前成人$408-448，八點後就成人$458-508，更有宵夜時段的$248，我地食八點都好多人，不過更顯熱鬧氣氛，雖說多客人，但上菜快，服務亦好好。
先來刺身拼盤，有七款刺身，除海膽無任食，其他六款可以再點無限食，刺身好靚好新鮮。
油甘魚相當肥美油潤，三文魚同樣吸引。赤身魚味重，帶子鮮甜嫩滑，甜蝦最正，甘甜柔嫩細緻的肉質，入口味道好好。
海膽雖無任食，但就大大塊，味道濃郁甘甜，齒頰留香。
同時都上海鮮同肉類，燒緊肉同海鮮時，就可以食刺身，真係好貼心好正，唔會浪費時間。海鮮有五款，但就只有大蝦可再添食，其他都只係每人一隻，不過有條「喜之次」魚，極之美味，絕對值回票價。
海鮮有蠔、魷魚、大蝦、螺、喜之次，一次過放哂海鮮燒，燒既時間都唔同，先食蠔，再食鮑魚同螺，大蝦超級大隻，所以要燒耐少少，餐廳提供燒海鮮用的酒，加少少到海鮮，添酒香又令海鮮唔會乾身。
大蝦啖啖肉，仲好爽口彈牙，所以都叫添左幾次，鮑魚好嫩彈易咬，加左酒真係提鮮，螺肉同樣彈牙。蠔汁好甜美，蠔肉亦飽滿肥美，一下就滑到口中。
海鮮中的主角，條魚好易燒，唔會散哂，可能用左一夜干醃法，肉質扎實。
先燒靚個魚皮至香脆，要轉另一面燒至熟，魚肉鬆軟有彈性，燒完好香又有魚鮮味，而且燒魚多肉汁唔乾，令人大喜，魚皮脆卜卜好正。我同友人都大讚條魚美味，一般放題亦無呢類海鮮/魚。
日式燒肉有數款，牛肉主要是澳洲的和牛，有牛肋骨、西冷、牛胸腹、肉眼，還有米澤三元的豚西冷、腩片，雞翼、雞肉腸、豬頸肉等等，全部都任食，更有牛舌片，配酒一流。
牛胸腹有咬口又重肉味，肉眼最多脂肪亦分佈平均，入口脂香散發，好滿足。西冷較少油份，所以食到柔軟肉質同牛肉香味。連住骨既肉特別好味，所以牛肋骨亦係令人難忘的美味。
呢度優秀之處係無限任飲日本酒，有酸甜開胃的梅酒，非常易入口，女仔好岩飲。另一款柚子酒有清香柚子味，入口清甜帶甘，亦岩女仕飲。至於燒酒甘香清純，配燒肉一絕。
燒酒比較甘，所以我飲好少，但就有個自創配搭，就係配雪糕，將少少酒倒入朱古力雪糕同食，味道就如酒心朱古力，香甜易入口，兩者都夠純。
唔飲酒既有其他汽水、果汁等，款式都算多，我仲飲左日本啤酒。
還有紅白酒供應，係咪好正。
我就飲左呢款啤酒，麥味較重，都易入口。另一款韓國啤酒就較清淡，都好好飲。
果汁有款芒果汁仲有粒粒椰果，我又自創配搭，加入支芒果乳酪雪條，味道好夾好香芒果味，似以前好興韓式飲品。
放題仲有和食、小食、沙律、天婦羅炸物、蔬菜等，真係多到食唔哂。和牛田園沙律用芝麻醬汁，開胃又香，和牛粒有肉感，配爽脆沙律菜，清減油膩感，可以再食過燒肉啦。
泡菜偏酸，用來配豚肉最夾。
點少得燒菠蘿，酸甜剛好，燒完都仲咁多汁，必食之選。
本菇加入牛油去燒，特別香，味道好好。
第二輪再點刺身，我地比較喜歡帶子、甜蝦同油甘魚，全部都嫩滑口感，與香口有咬感既肉類相隔來食，轉換口感，食多兩轉都唔厭。
燒肉就喜歡肉眼同西冷，今次仲點左牛舌，好嫩彈，又易燒。
最後食甜品，有movenpick 三款口味既雪糕，同少有既榴槤雪糕，同脆皮雪條等等。
雪糕我加左少少酒黎食，正到飛天，之後有陣陣飄香既榴槤雪糕帶我返黎人間，榴槤味好濃，質感無雪糕咁膩，幾清爽。
總捨，超值抵食，有燒肉放題加上酒類任飲，甜品雪糕亦用貴價雪糕及少有口味的雪糕，燒肉同海鮮都有質素，服務細心又好。
张贴
