雷橋燒肉日本料理 (已結業)

雷橋燒肉放題今日去到銅鑼灣食燒肉放題，我太鐘意食啲要親力親為既餐廳，燒肉放題有得自己燒，正！入到去環境好靚，好有日本氣氛，地方亦整潔企理，所以第一印象幾好！一開始就食刺身刺身擺得好靚，甜蝦同帶子幾新鮮，不過三文魚就薄左少少，但我同男朋友兩個人竟然清哂盤刺身！呢個燒肉拼盤又係擺得靚靚既，最好食係一口牛肋肉同五花肉！男友負責燒，一口牛肋肉燒到好香，一放入口，肉邊微脆，油花慢慢溶化，唔使點醬都已經好食。不過有部分肉略嫌切得太薄，好快就燒到乾哂，如果厚返少少，肉質食落會嫩滑啲又冇咁易燶。仲有個黑椒牛舌根肉太多黑椒，食唔到肉味之餘，仲辣到飛起！其實落少少當調下味就已經ok。仲有大蝦燒，每人一隻，真係好大隻，肉質仲非常新鮮彈牙！呢碟係蔥醬油牛肋肉，就咁用眼睇都知正，脂肪分佈非常平均，肉質嫩滑又佈滿肉汁！牛味好濃郁，係我全晚最鐘意！好味呀！不過，俾我發現到呢度係冇蝦天婦羅食lol 但其實佢地既天婦羅係幾好食嫁，香脆得黎炸漿唔會太厚，如果有埋蝦天婦羅就正啦！另外，店員服務態度好好呀，有求必應，有問必答！見到之前食評話佢唔好食，話會中伏，我去完之後覺得唔差wo，起碼一定好過旺角宮kei!!!