米子燒肉家 (已結業)

香港近年來開咗唔少燒肉店，朋友推介呢間位於粉嶺中心嘅餐廳，除咗有定食之外亦提供任飲任食放題～ 平日晚上到訪都大排長龍，環境乾淨，座位之間有適當嘅距離，而且有大大個抽油煙機，油煙味唔重，值得讚賞🫣120分鐘任飲任食放題有齊牛/豚/雞/羊、海鮮、野菜、冷盤同主食，而生菜同罐裝嘢飲就要自己出去攞～ 肉類方面推介牛仔骨、梅肉同羊架，味道香濃，油脂豐富，呢個價錢食到咁嘅質素真係無得say！另外雞腿肉仲有芝士可以點嚟食，會話幾有趣😆相對嚟計海鮮類反而有驚喜，扇貝同青口大大隻，燒完都唔會覺得好乾、魷魚爽口彈牙、三文魚鮮甜多汁、多春魚魚油香突出、甲羅燒蟹膏滿滿，配飯一流呀💖 野菜方面都有幾多選擇，雖然好飽但必點日本紫蕃薯，底部有少許牛油，咬落香甜，滋味無窮～ 主食有成七款選擇，會話櫻花蝦同紫菜配飯一定係絕配，另外亦有烏東、赤麵同湯～ 另外值得一提嘅係冷盤，竟然有海蜇野菜沙律呀，份量啱啱好，食住肉配菜可以大大咁減低油膩感，唔錯👍🏻