神燈燒 (已結業)

係旺角睇完戲好肚餓,朋友介紹呢間燒肉放題, 裝修以神燈為主題, 隨處可見阿拉丁和茉莉公主等角色,燒肉放題分了不同Level, 可以任飲任食肉類、刺身、熱食等食品和飲品，我和朋友選擇了Level 4的套餐, 共186款美食。


呢度除了Level 1之外, 其他都係用QRcode落單，自助區有沙律吧、多款熟食、飲品和雪糕選擇。


刺身方面, 叫了最愛的帶子和三文魚, 師傅切得厚身，食落口感十足!


牛肉方面，美國prime系列不錯，油脂分佈平均，食落牛味重，推介牛小排!


海鮮方面, 生蠔和燒帆立貝是必點, 帆立貝肉大大粒之餘調味仲好夠, 絕對是回本之選;
另外鰻魚厚切肥美，鰻魚醬汁惹味添, 輕輕燒一燒已經可以食!