牛八和牛燒肉屋 (已結業)

我幫襯呢間主要因為佢就腳同埋商場有三個鐘免費泊車。 入面啲枱為set得好寬敞坐得好舒服。 佢個放題有幾款嘅我哋通常食中間有牛嗰款， 以前食過佢有買海鮮嗰款但發覺海鮮攞嚟咁燒唔係咁 值得。 老老實實 佢啲燒肉叫做可以， 尤其係啲牛舌其實好正。 佢個日式冷麵超一流我通常起碼食三四碗反正任食任叫。 不過有一樣嘢係我覺得極之唔好嘅就係佢哋個會員系統一定要人裝apps落手機 如果你唔見咗電話或者換個電話或者換左sim卡你係分分鐘展示唔到個member出嚟嘅咁就冇咗個折扣。 鋪頭入面冇wi-fi 電話訊號又唔好所以如果要現場安裝番佢個apps係好困難嘅事。 店員似乎又唔係下下都願意幫你人手搽番你個member 狀態。 呢一點我只可以用愚蠢去形容。 我唔肯畀個好評佢 亦都係因為呢一個原因。