燒鬼 (已結業)

晚市無咗堂食，所以晏晝想食餐豐富啲。 去咗銅鑼灣嘅「燒鬼 Yaki Oni」食燒肉放題。地方濶落，枱面夠大，枱與枱之間間距足，坐得舒服。所有嘢食都係即叫即做，熱食係熱辣辣，凍野又唔會溶晒咁。嚟呢度當然主打食燒肉，肉類部位有名牌分類。 以牛肉為例，有原味嘅A4和牛同調好味嘅牛，細細片方便食，雪花紋幾靚，屬於精品放題。食得多肉又可以叫啲海鮮或者蔬菜燒。 海鮮推介蠔，香蒜牛油廣鳥蠔同意式香草醬廣島蠔都好入味，蠔肉飽滿鮮甜。燒物以外仲有湯、麵、飯、沙律、天婦羅、熱食、前菜等等。刺身同壽司都有添，好多選擇。