影片
更多
2019-09-16
733 浏览
任食燒肉放題最忌就係入場先發現最重要既肉原來完全唔新鮮冇肉味，大拿拿幾百蚊好似白俾左咁。 我從來都不作無謂犧牲，早早就問定朋友冇伏先黎大飽口福。入座先有三款刺身、海鮮、同燒肉拼盤食住先唔洗等。刺身拼盤三文魚、海膽、帶子、甜蝦、油甘魚、八爪魚同生蠔，三文魚同帶子夠哂飽滿肥美，最驚喜係海膽鮮甜毫無腥味，比一般連鎖壽司店出色，可惜海膽只限首輪提供，如果可以瘋狂encore就好喇。海鮮有北海道蟹腳同大蝦，份量十足，不過自己燒唔太識控制火候，夠甜但略嫌乾左少少。燒肉拼盤砌得好靚，我欣賞每款肉都加左名牌，方便encore又打卡一流。 第一輪有澳洲和牛肉眼、澳洲和牛胸腹、美國牛肋骨、米澤三元急豚西冷、七味豚拖羅(豬頸肉) 、骨付雞肉腸同手羽(雞翼)。 首先要一讚全部都肉味濃，豬同雞亦醃得入味。 和牛胸腹同肉眼雖然較瘦，但軟腍有牛味。 全晚我最愛既估唔到係七味豚拖羅，醃料好惹味，輕鬆就燒到表面微焦好香口，雞翼亦有驚喜，入味有肉汁又嫩滑。第二輪試埋澳洲和半西冷、一口牛粒同牛舌片，西冷如想像般比較肥美有油香，最鐘意牛舌片厚切有彈性，同出面索價較高既牛舌串燒差唔多質素，屬回本之選。椒鹽燒試左雞軟骨串、免治雞
入座先有三款刺身、海鮮、同燒肉拼盤食住先唔洗等。
刺身拼盤三文魚、海膽、帶子、甜蝦、油甘魚、八爪魚同生蠔，三文魚同帶子夠哂飽滿肥美，最驚喜係海膽鮮甜毫無腥味，比一般連鎖壽司店出色，可惜海膽只限首輪提供，如果可以瘋狂encore就好喇。
海鮮有北海道蟹腳同大蝦，份量十足，不過自己燒唔太識控制火候，夠甜但略嫌乾左少少。
燒肉拼盤砌得好靚，我欣賞每款肉都加左名牌，方便encore又打卡一流。 第一輪有澳洲和牛肉眼、澳洲和牛胸腹、美國牛肋骨、米澤三元急豚西冷、七味豚拖羅(豬頸肉) 、骨付雞肉腸同手羽(雞翼)。 首先要一讚全部都肉味濃，豬同雞亦醃得入味。 和牛胸腹同肉眼雖然較瘦，但軟腍有牛味。 全晚我最愛既估唔到係七味豚拖羅，醃料好惹味，輕鬆就燒到表面微焦好香口，雞翼亦有驚喜，入味有肉汁又嫩滑。
第二輪試埋澳洲和半西冷、一口牛粒同牛舌片，西冷如想像般比較肥美有油香，最鐘意牛舌片厚切有彈性，同出面索價較高既牛舌串燒差唔多質素，屬回本之選。
椒鹽燒試左雞軟骨串、免治雞肉棒同雞腎串，本來以為係廚師燒好送上，原來都係要自助燒熟既。 雞軟骨意想不到地幾容易燒到出面放題個種外脆內爽既水平，但本身冇調味，要自行加上椒鹽。 免治雞肉棒同預期差不多，內裡有雞軟骨碎，口感幾有層次，反而雞腎其實要燒得好唔易，最後有點乾浪費左，如果廚師可以燒埋就更好喇。
蔬菜幾新鮮。
其餘小食例如天婦羅大蝦同味付螺肉都同出面放題差不多，味道不過不失。
好欣賞飲品同甜品都好多選擇，較大路既汽水、酸梅湯、菊花茶、甘蔗汁當然有齊，最驚喜係一整排都伙任飲既日本酒，包括日本啤酒、清酒、柚子酒、梅酒、紅白酒等，岩哂酒鬼。
眾多雪糕之中，榴槤雪糕最得我心，好幼滑香濃，好似真係食緊榴槤咁，仲有肚既話真係想食多幾杯。
總括而言用料都算有誠意，座位闊落選擇又多，同朋友聚餐一流。
张贴
