響日本燒肉 (已結業)

本身作為燒肉控，都會有特意四圍去搵美食。韓燒食到厭，所以今日就專程去試下間日式燒肉，間燒肉位於渣甸街亨環2樓，離地鐵站大概2分鐘，十分方便。間餐廳幾大，格向偏向走日式風格。入到去坐低行左個圈， 飲品區到有 紅酒 白酒 清酒 梅酒 啤酒，而食物方面除左大部分日式放題有既食物都有外（三文魚 帶子、北寄貝、八爪魚 甜蝦等等），更加有澳洲和牛各部位。燒肉拼盤，當中有各種澳洲和牛包括肉眼，胸腹等。另外仲有豚肉同雞肉。食物以QR code下單，亦都十分方便。而且員工服務態度良好 招呼周到， 進食期間，看見有食客埋單離開後 員工馬上清潔枱面(包括煙通)。臺底下還有暗格擺放 鹽 胡椒粉 醬油 七味 牙籤 紙巾 供食客使用，  因而可以騰出跟多空間擺放食物。甜品方面有Movenpick 雪糕、 Dreyers 脆筒、榴連雪糕等，比起其他燒肉放題選擇更多，而且口味都多。