牛角日本燒肉專門店 (V City)

今日星期五放工，約左朋友去一齊去食燒肉，兩個女仔6點半鐘到，等左15分就入得。


食肉獸的我地，叫左個牛角海鮮燒肉盛合（2人前）。前菜包括牛角沙律🥗一客和辛味青瓜一客。沙律大大碗，夠晒兩個人食😮。燒肉有牛板腱肉，肩脊肉，牛舌，雞胸同豬扒。可能我地兩個都係牛魔王😈，都係覺得牛肉比較好食，豬同雞都麻麻。


海鮮方面有廣島蠔，青口，扇貝，魚同海蝦。蠔加入牛油一齊燒到半熟，入口creamy😍😍。野菜盛合有雞髀菇，牛油雜菌同冬菇。


食燒肉當然要送酒，試左威士忌梳打同燒酌梳打都唔錯🍺。星期五放左工可以同知己慢慢歎燒肉，對酌，乃是人生一大樂事😎😎。