燒鬼 (已結業)

今晚同朋友約左喺銅鑼灣食飯。朋友推介我去一間日式餐廳食——燒鬼。喺銅鑼灣The L.Square 9樓。一踏入餐廳門口就見到好多日本畫作，為餐廳添上日本風。一坐底就見有兩款爐。店員解釋原來一款爐專係用黎燒肉。另一款爐係專用黎燒海鮮同蔬菜。好專業呀！值得一讚！👍🏻枝豆成碗咁多！我幾鍾意食枝豆，一邊同朋友吹水一邊食過下口癮，幾正。枝豆唔飽肚，食完好似冇食咁，不知不覺咁一粒接住一粒咁食，咁多份量啱哂我！炮菜鹹多過辣，豆腐好滑。中華海哲。實淨爽口。吞拿魚薄脆。淺粉紅色嘅吞拿魚鋪喺正方形嘅米通上面，上面重有蟹籽。口感腍嘅吞拿魚同脆口嘅米通相映成趣。米通無味，令食客可以試真d吞拿魚嘅味。帶子爽口鏍肉肉質挺實爽脆甜蝦肉唔會霉、唔會腍啤啤，有咬口。鰹魚黏黏地，質地似肉，但好鹹。厚切三文魚口感實淨，食到三文魚嘅鮮味，唔鯹。三文魚茶漬飯有紫菜香、有wasabi味但唔會辣。三文魚魚碎為茶漬飯添上口感。壽司飯酸味好出。炙燒帶子將帶子整成半生熟，明太子醬同帶子嘅味好夾，將帶子嘅鮮味提昇到另一層次。和牛壽司和牛薄切易咬。柚子醬油同蔥令牛食落唔會鯹。