影片
更多
2015-11-11
1892 浏览
係寫呢篇食評前，不得不先講一句：真係好抵！係元朗既呢間韓日燒肉放題店，驟眼睇就覺得同其他燒肉放題店無咩分別，價錢亦唔係區內相對平既選擇！先講用餐環境，比起其他區內既燒肉店黎講相對係闊落，枱同枱丶座位同座位之間既空間比較大，咁樣食既時候就食得舒服好多。另外每一張枱既SIZE亦都唔細，呢個係另一個重點，試過其他燒肉既店舖，張台好細，根本放唔落D食物，咁樣食燒肉又點會有果種暢快既感覺呢，而呢間餐廳就正正照顧到呢方面既問題。講完環境講食物，講明韓日燒肉放題，除左各式肉類之外，亦都有提供幾款壽司同刺身。壽司個人推介火炙芝士三文魚壽司，香口得黎又唔會太大件，過下口癮，作為前菜剛剛好，另外不得不提係甜蝦刺身，質素係城中知名放題店既水準，不過千祈唔好食太多，否則飽左肚就錯過之後既肉類啦。用黎燒烤既食材主要係粟米、翠玉瓜同肉類，而肉類就大致上可以分做一般已醃既豬牛雞同羊架，同無醃既牛柳粒，牛仔骨，牛排同羊架，而呢四樣野就係抵食既重點！三款牛一睇油花同色澤就知係靚貨，講真唔係靚野點敢唔醃就放出黎比你燒，只需要加少少鹽去燒就已經PERFECT，肉汁同香味都一流，羊架亦都一樣，百零蚊既價錢食到咁高質既燒肉，真
係寫呢篇食評前，不得不先講一句：真係好抵！
係元朗既呢間韓日燒肉放題店，驟眼睇就覺得同其他燒肉放題店無咩分別，價錢亦唔係區內相對平既選擇！
先講用餐環境，比起其他區內既燒肉店黎講相對係闊落，枱同枱丶座位同座位之間既空間比較大，咁樣食既時候就食得舒服好多。另外每一張枱既SIZE亦都唔細，呢個係另一個重點，試過其他燒肉既店舖，張台好細，根本放唔落D食物，咁樣食燒肉又點會有果種暢快既感覺呢，而呢間餐廳就正正照顧到呢方面既問題。
講完環境講食物，講明韓日燒肉放題，除左各式肉類之外，亦都有提供幾款壽司同刺身。壽司個人推介火炙芝士三文魚壽司，香口得黎又唔會太大件，過下口癮，作為前菜剛剛好，另外不得不提係甜蝦刺身，質素係城中知名放題店既水準，不過千祈唔好食太多，否則飽左肚就錯過之後既肉類啦。
用黎燒烤既食材主要係粟米、翠玉瓜同肉類，而肉類就大致上可以分做一般已醃既豬牛雞同羊架，同無醃既牛柳粒，牛仔骨，牛排同羊架，而呢四樣野就係抵食既重點！三款牛一睇油花同色澤就知係靚貨，講真唔係靚野點敢唔醃就放出黎比你燒，只需要加少少鹽去燒就已經PERFECT，肉汁同香味都一流，羊架亦都一樣，百零蚊既價錢食到咁高質既燒肉，真係好抵！
最後餐廳亦都有好多款熟食同湯提供，特別一提，D 湯唔係滾湯，個人蔘雞湯飲得出真係煲左一段時間，而且唔油膩。另外啤酒汽水亦都係放題式享用，餐廳依家仲有抽獎活動，我就抽中阿根廷紅蝦刺身，朋友就抽中「下次再黎過」，哈哈！
另外如果加錢$78升級既話，仲可以無限任食生蠔同松葉蟹腳，個蟹腳都係酒店BUFFET級數，真正抵食！
如果行開元朗想食燒肉放題，呢間絕對係抵食之最！
张贴
