論裝修環境：中上
由下面大門，行上餐廳，樓梯偏暗但有海洋燈光加持
幾有feel，個人認為幾靚ge
六點未到 已經到餐廳登記埋填資料入去都未夠六點
但係話用餐時間到七點九 (說好的120分鐘任食燒肉呢? 仲要七點三已經last order)
只有兩個餐
簡單黎講
就係"有和牛"同"無和牛"嘅分別
每論邊個餐，餐牌後面都係任食
揀個平嘅試吓先 (好彩揀個平ge)
燒肉最愛搭啤酒 可惜兩個飲品放題都無啤酒
唯有另外嗌
不過都唔平，三百毫升盛惠88
揀完餐會有頭盤
海鮮拼盤只上一次 無得再嗌
任食一向都係首輪嘅野食係最令人滿意
海鮮係新鮮嘅 連肉都係靚啲
肉類：
豬腩片好細塊，頭盤有幾粒荔枝，侍應叫用豬腩肉夾住黎食，都幾過癮，荔枝味豬肉
雞肉，意料之外好食過牛肉，真係好嫩滑
牛舌，又乾又靭，好很難食，第二間啲牛舌上檯係紅色，呢間牛舌係深色，好似燙過再拎去雪，但侍應話係生㗎喎
安格斯牛，得首輪叫靚啲，之後嗌都麻麻地。加上切得唔夠厚身，燒兩燒變牛肉乾
蔬菜：
首輪上咗一堆蔬菜，無再嗌過
小食：
吉列蝦 - 好似用甜蝦ge size, 炸完出黎淨係食到炸粉，條蝦肉細到睇唔到
春卷 - 唔脆又無餡咁
辣和牛他他壽司 - OK，不過食唔出係牛肉他他，件壽司唔大件，可以一試唔撐胃
麻醬冷豆腐 - 不過不失 (豆腐加芝麻醬咁都出事就奶野啦！)
枝豆 - 都係不過不失，無落鹽，所以好清新 (笑)
中華沙律 - 都係中華沙律，份量唔多，鍾意可以嗌
螺肉 - 都係螺肉，都係份量唔多，非常好
炸雞塊 - 負分，舊粉大過件雞
炒雜菜 - 甜豉油炒菜
芝士甜蛋 - 負分x100， 難食到暈，玉子都算啦，呢舊野不知所謂
芝士年糕 - 咬落只有成口油
溫泉蛋 - 不過不失
其他：
迷你和牛漢堡 - 好好食，成個餐最好食係佢，包係脆，肉又夠味，唔乾身
沙律 - 首輪黎咗一份，唔錯，不過無添嗌
湯 - 首輪黎咗，好好飲，好CREAMY
冷素麵 - 素麵就預咗無乜味，幾好，食到熱辣辣食碗凍野都唔錯
醬汁：
Default ： 和牛蕃秘製醬汁 & 香橙荷蘭醬汁
另外試咗：黑椒汁(好黑椒 - 中)，咖哩汁(唔係好咖哩 - 中下)，柚子胡椒汁(好柚子胡椒 - 中上)
純粹個人口味～
120分鐘放題，75分鐘已經嗌last order, 會唔會略嫌早咗啲呢。。。
anyway, 由於我地試過好多小食, 都好飽 爐都自己熄埋
食埋個甜品就走lu.
總括黎講，呢個價錢，可以有其他更好嘅選擇
如果只有個漢堡好食，咁呢間野就唔係食燒肉放題啦。。。
