牛角次男坊 (已結業)

嗰日lunch選擇去咗淘大嘅牛角次男方坊食，見門口冇乜人，好快就入到去。佢係採取先付款買嘢食後入座嘅政策嘅。Lunch就有得揀自選雙併，我就揀咗牛腹腩同牛舌嘅配搭。另加一個麵豉湯，同一個可樂，就70幾蚊。食落比我想像中嘅好食，牛舌就一般般啦，有少少韌同埋冇乜牛味。牛腹腩就有少少驚喜，食落都好肥美，都幾嫩口，牛味都幾重。啲汁就偏甜嘅，但係配搭落去都唔錯，餸同埋汁份量就啱啱好可以送晒啲飯。Lunch呢個價錢同呢個味道來講，都算係唔錯。