戀上台式料理 (已結業)

今次都係經openrice訂座感謝祭book咗呢間餐廳，環境唔錯，坐既位置有露天同室外。牛肉拼盤(openrice promotion $20，原價$288)首先我想講呢碟拼盤如果係俾$288，我絕對唔會order! 因為真係超細份，雖然我明依加只係$20但之前有試過其他餐廳$20優惠係同原價份量一樣。呢碟牛全部係薄切，而且total 10片都唔知有冇，一個人燒都唔夠食，何況價值$288，對呢個拼盤相當失望。小碗手工魯肉飯配鹵水溏心蛋 ($38)呢個仲送咗前菜3款，唔錯。魯肉飯都肥瘦適中，都幾好食。戀戀蚵仔煎 ($60)蚵仔新鮮，不過就覺得個蛋可以再多小小，食落覺得都係冇台灣食既咁正宗。鹽酥雞扒 ($56)呢份雞扒有兩大塊，炸得好香口，肉質唔會老，都幾好食。仲嗌咗冷泡茉香綠茶同黑糖薑母茶，兩樣野飲都不過不失。總括黎講，呢間既台灣野幾好食，價錢都合理。不過燒肉就真係唔建議大家嗌喇，價錢貴份量又少。同埋當日落雨，户外位置既遮漏水落啲客人度，但見到員工淨係企係到望住，完全冇過去幫忙，呢點我覺得員工要再加培訓，因為餐廳員工既服務質素都會影響對間餐廳既觀感。