#HAPPYGATHERING
好耐無同同事LUNCH GATHERING，
難得今日約齊同事齊齊去The Salted Pig。
LUNCH TIME多數都好FULL，
好彩同事貼心地一早BOOK定位，
準時到即獲安排入座。
四人卡位夠哂寬敞闊落，坐得好舒服。
LUNCH SET都幾多選擇，價錢合理，
最後揀左4個SET再單點Nachos。
煙三文魚凱撒沙律
沙律菜夠哂新鮮爽脆，
大量巴馬臣芝士勁香濃，
仲有小鳀魚同麵包粒。
意式煙肉菠菜蕃茄貓耳朵粉
醬汁香甜濃郁，帶點酸香好開胃，
不過上枱係普通通粉，可能貓耳朵粉賣哂？
好彩通粉食落都幾彈牙又有嚼勁～
牛面頰肉南瓜意大利飯
牛面頰好腍身，煮得夠入味，
加入香甜南瓜提升味道層次，
意大利飯質地creamy唔會水汪汪。
燒美國安格斯肉眼扒
肉眼扒嫩滑多汁，夠哂JUICY，
幼嫩得黎又有咬口，唔會太肥膩，
伴碟仲有雜菜、薯條等，好豐富。
墨西哥芝士新豬肉薄脆 (素)
即叫即烤熱辣辣，大大碟勁吸晴，
特別配以新豬肉，健康得黎又惹味～
面頭有大量蕃茄莎莎、牛油果醬、
橄欖、純素車打芝士等等，
金黃香脆既薄脆夠哂惹味仲帶點咸香！
甜品揀左心太軟配雪糕，
軟身朱古力蛋糕味道香濃，
熱騰騰流心朱古力漿配冰凍雪糕勁過癮～
