芝加哥串燒酒場 (太和中心)

两个人去完shopping，又热又口干，一坐低即刻叫番杯嘢饮先，我叫咗Kirin Ichiban, 朋友就叫咗Apple Cider, 眨一吓眼就嚟到，嗱嗱声饮返啖先，Kirin超高品质，强烈嘅小麦味，感觉同喺东京嘅居酒屋饮生啤一样品质，真系好味透心凉😁跟住就点咗几样食物，等咗大约15分钟，就用木砧板一次过上晒，卖相好掂。椒盐鲜白鳝串：表皮烧到脆脆哋，鳝身好厚肉，鲜嫩多汁，非常好味，呢个强烈推介烧喜知次一夜干：不嬲都钟意食一夜干，呢条烧得啱啱熟，带少少咸香，两个人2分钟扫清😅烧鸡翼：烧鸡翼我钟意食，皮脆肉嫩多汁烧鸡肾：有咬头，配上椒盐，送啤酒非常醒神黑糖鸡脾肉串：带有黑糖甘香味，微甜，绝对唔系甜死你𠮶种，味道几得意跟住再后加一个火焰日式叉烧片，薄切叉烧表面烧得带些少㶶，脆脆地，肉身好多汁，但系又有啲咬头，兼肥瘦适中，叉烧表面再洒上几粒葱，超级好食，系今晚高潮之一食得饱饱，非常满足。